غەززە ــ AA

وەزارەتی تەندروستیی فەڵەستین لە کەرتی غەززە ڕایگەیاند، ژمارەی ئەو فەڵەستینییانەی کە لە ٧ی مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٣٤٨ کەس.

وەزارەتەکە لە ڕاگەیاندراوەکەدا ئاماژەی بەوەداوە کە لە میانی ٢٤ کاتژمێری ڕابردوودا، نۆ کەسی دیکە بەھۆی برسێتییەوە لە کەرتی غەززە، گیانیان لەدەستداوە کە لەنێویاندا، سێ منداڵ ھەن.

ڕاشیگەیاندووە، ژمارەی ئەو فەڵەستینییانەی کە لە ٧ی مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٣٤٨ کەس کە ١٢٧یان منداڵن.