جيهان
شەش کەسی دیکە لە غەززە بەھۆی برسێتییەوە گیانیان لەدەستدا
لە ٢٤ کاتژمێری ڕابردوودا، شەش کەسی دیکە لە غەززە بەھۆی برسێتیەوە گیانیان لەدەستداوە، ژمارەی ئەوانەی لە کەرتەکە بەھۆی برسێتییەوە گیانیان لەدەستداوە، بەرزبووە بۆ ٣٦٧ کەس کە ١٣١یان منداڵن.
Jomaa Younis |
03.09.2025 - نوێکردنەوە : 04.09.2025
Istanbul
غەززە ــ AA
وەزارەتی تەندروستیی فەڵەستین لە کەرتی غەززە ڕایگەیاند، ژمارەی ئەو فەڵەستینییانەی کە لە ٧ی مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٣٦٧ کەس.
وەزارەتەکە لە ڕاگەیاندراوەکەدا ئاماژەی بەوەداوە لە میانی ٢٤ کاتژمێری ڕابردوودا، شەش کەسی دیکە بەھۆی برسێتییەوە لە کەرتی غەززە، گیانیان لەدەستداوە.
باسی لەوەش کردووە ژمارەی ئەو فەڵەستینییانەی کە لە ٧ی مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٣٦٧ کەس کە ١٣١یان منداڵن.
