ئەنقەرە - AA

پەیکەری لە برۆنز دروستکراوی ئیمپراتۆری ڕۆما، مارکوس ئاورێلیۆس کە لە ساڵانی ١٩٦٠دا بە ڕێگای قاچاغ براوەتە دەرەوەی وڵات، لە ڕێوڕەسمێکی فەڕمییدا لە مۆزەخانەی هونەری کلیڤلاند لە ئەمریکا، ڕادەستی تورکیا کرایەوە.

جێگری وەزیری کلتوور و گەشتوگوزاری تورکیا، گۆکهان یازگی لە هەژماری خۆی لە تۆڕی کۆمەڵایەتی ئاماژەی بەوە کرد کە پەیکەری مارکوس ئۆریلیۆس دەگەڕێندرێتەوە بۆ زێدی خۆی.

Marcus Aurelius Ait Olduğu Topraklara Dönüyor

1960’lı yıllarda Boubon Antik Kenti’nden yasa dışı yollarla yurt dışına çıkarılan ve Roma İmparatoru Marcus Aurelius’u filozof kimliğiyle betimleyen eşsiz bronz heykel, 14 Nisan 2025 tarihinde Cleveland Sanat Müzesi’nde düzenlenen… pic.twitter.com/XNEuQQwLFV

— Gökhan YAZGI (@yazgi_gokhan) April 14, 2025

یازگی ڕایگەیاند: "ئەو پەیکەرە ناوازە لە برۆنز دروستکراوی مارکۆس ئۆریلیۆسی ئیمپراتۆری ڕۆمانی وەک فەیلەسوفێک نیشان دەدات، کە لە ساڵانی ١٩٦٠دا بە ڕێگای نایاسایی لە شاری دێرینی بۆوبۆنەوە بە قاچاخ براوەتە دەرەوەی وڵات، لە ڕێوڕێسمێکدا لە مۆزەخانەی هونەری کلیڤلاند بە فەرمی ڕادەستی تورکیا کرایەوە. پاش نزیکەی ٦٥ ساڵ هەوڵی زانستی و یاسایی و دیپلۆماسی، دواجار پەیکەری مارکوس ئۆریلیۆس دەگەڕێتەوە بۆ زێدی خۆی لە ئەنادۆڵو. ئەم پەیکەرە پێش ئەوەی بهێندرێتە بۆ تورکیا لە چوارچێوەی پێشانگایەکی تایبەتدا لە مۆزەخانەی هونەری کلیڤلاند لە ئەمریکا بۆ ماوەی سێ مانگ نمایش دەکرێت. لە مانگی تەمووزیشدا جارێکی دیکە لە وڵاتەکەماندا دەخرێتەڕوو".