پوتین یاسای "دژه‌ سزای" به‌رامبه‌ر ئه‌مریكا و وڵاتانی خۆرئاوا په‌سه‌ندكرد

مۆسكۆ - AA

سه‌رۆكی رووسیا، ڤلادیمیر پوتین ئه‌و پرۆژه‌ یاسایه‌ی واژووكرد كه‌ ده‌سه‌ڵاتی وه‌ڵامدانه‌وه‌ی ئه‌گه‌ری هه‌ر سزایه‌كی هه‌یه‌ كه‌ له‌ لایه‌ن ئه‌مریكا و وڵاتانی دیكه‌وه‌ به‌سه‌ر رووسیادا بسه‌پێنرێت.

به‌پێی ئه‌و پرۆژه‌ یاسایه‌، حكوومه‌تی مۆسكۆ ده‌توانێت رێوشوێن بگرێته‌به‌ر به‌رامبه‌ر ئه‌و بڕیاری سزایانه‌ی ئه‌مریكا و وڵاتانی دیكه‌ دژ به‌ رووسیا ده‌ریده‌كه‌ن.

هه‌ر به‌و پرۆژه‌ یاسایه‌ ده‌توانرێت له‌ هه‌ندێک بواردا هاریكاری نێوده‌وڵه‌تی سنوورداربكرێت یان هه‌ڵپه‌سێردرێت، هه‌روه‌ها هه‌نارده‌ و هاورده‌ی كه‌لوپه‌ل و مادده‌ی خاو، به‌تایبه‌تكردن و به‌شداری ده‌وڵه‌ت له‌ ته‌نده‌ره‌كاندا قه‌ده‌غه‌ بكرێت.