کۆبوونەوەی چاوشئۆغڵو و پۆمپیۆ دەستیپێکرد

واشنتۆن - AA

کۆبوونەوەی وەزیری دەرەوەی تورکیا، مەولود چاوشئۆغڵو و هاوتا ئەمریکییەکەی، مایک پۆمپیۆ لە وەزارەتی دەرەوەی ئەمریکا، دەستیپێکرد.

مەولود چاوشئۆغڵو بە مەبەستی کۆبوونەوە لەگەڵ مایک پۆمپیۆ دوێنێ گەیشتە واشنتۆن و سەر لەبەیانی ئەمڕۆ گەیشتە وەزارەتی دەرەوەی ئەمریکا.

هەریەک لە چاوشئۆغڵو و پۆمپیۆ لەبەردەم ئەو هۆڵەی کە کۆبوونەوەکەی تیادا ئەنجامدەدرێت، وەستان و لە لایەن رۆژنامەوانانەوە وێنەیان گیرا، بەڵام هیچ لێدوانێکیان نەدا.

چاوەڕوان دەکرێت لە کۆبوونەوەکەدا بابەتی منبج و پرۆسەی رادەستکردنەوەی سەردەستەی فەتۆ، فەتحوڵڵا گولەن بە تورکیا، تاوتوێ بکرێت.

پێشتر چاوشئۆغڵو باسی لەوەکردبوو ئەگەر بێت و کۆبوونەوەکەی ئەمڕۆ بە شێوەیەکی ئەرێنی کۆتایی بێت، ئەو رێککەوتنەی سەبارەت بە منبج لە نێوان هەردوولادا دێتە ئاراوە، دەخرێتە بواری جێبەجێکردنەوە و ئەمەش دەبێتە خاڵێکی وەرچەرخان لە نێوان هەردوو وڵاتدا.