واشنتنۆن ــ AA

وەزیری جەنگی ئەمریکا، پیت ھێگسێس ڕایگەیاند کە ئامادەن فەرمانەکانی سەرۆکی وڵاتەکەیان، دۆناڵد ترەمپ لەبارەی ئێرانەوە جێبەجێ بکەن.

پیت ھێگسێس لە میانی کۆبوونەوەی ئەنجوومەنی وەزیرانی ئەمریکا کە لە کۆشکی سپی بەڕێوەچوو، رەخنەی توندی لە ئێران گرت و گوتی: "دڵنیابن کە لەئێستادا ھەموو بژاردەکان پێشکەش بە ئێران کراون بۆ گەیشتن بە رێککەوتن، نابێت چی دیکە ئێران ھەوڵی بەدەستھێنانی چەکی ئەتۆمی بدات".

گوتیشی: "ئامادەین فەرمانەکانی سەرۆک دۆناڵد ترەمپ لەبارەی ئێرانەوە جێبەجێ بکەین".

ڕاشیگەیاند، ئەگەر ھەوڵە دیپلۆماسییەکان بۆ چارەسەرکردنی پرسی بەرنامەی ئەتۆمی ئێران شکستیان ھێنا، ئەوە بژاردەی سەربازیی لەسەر مێزی گفتوگۆ، بە کراوەیی دەمێنێتەوە.

جەختی لەوەش کردەوە کە ھەرچی پێویست بێت بۆ پاراستنی بەرژەوەندییەکانی ئەمریکا سەبارەت بە ئێران، ئەنجامی دەدەن.