ئەنقەرە - AA

هێزی دەریایی ئیسرائیل کە گەمارۆی کەشتیگەلی جیهانیی سومودی داوە، بەردەوامە لە هێرشکردنە سەر کەشتییەکانی کەشتیگەلەکە کە بەمەبەستی شکاندنی گەمارۆی ئیسرائیل و گەیاندنی هاوکاری مرۆیی بە غەززە بەڕێکەوتوون.

ئیسرائیل بەردەوامە لە هێرشکردنە سەر کەشتیگەلی جیهانیی #سومود

ساتی هێرشی هێزەکانی دەریایی ئیسرائیل بۆ سەر ژمارەیەک لە کەشتییەکانی ناو کەشتیگەلەکە، بەم شێوەیە تۆمارکرا pic.twitter.com/bvVjZsAf1b

— Anadolu Soranî (@aasorani) October 2, 2025

بەپێی ئەو زانیارییەی لە ماڵپەڕی کەشتیگەلی جیهانیی سومود بڵاوکراوەتەوە، لە کۆی ٤٤ کەشتی کە بەرەو غەززە بەڕێکەوتن، ١٩یان ڕووبەڕووی هێرشی ئیسرائیل بوونەتەوە.

دووریی کەشتییەکی پێشەنگی کەشتیگەلەکە لە غەززە نزیکەی ٧٠ کیلۆمەترە (٤٠ میلی دەریایی).

ئیسرائیل بەردەوامە لە هێرشکردنە سەر کەشتیگەلی جیهانیی #سومود

لە دیمەنەکانی هێرشکردنە سەر کەشتییەکی کەشتیگەلی جیهانیی سودوددا لەلایەن ئیسرائیلەوە، ساتی چوونی سەربازانی ئیسرائیل بۆ سەر کەشتییەکە و ئاڕاستە کردنی چەک بەرامبەر سەرنشینانی دەردەکەوێت pic.twitter.com/BXu1oTVL2G

— Anadolu Soranî (@aasorani) October 2, 2025

لە پەخشی ڕاستەوخۆی ماڵپەڕەکەدا ساتی دەستگیرکردنی چالاکوانانی کەشتی کاپتن نیکۆس و چوونی سەربازانی ئیسرائیل بۆ ناو کەشتیەکە بڵاوکرایەوە.