ناتانیاھو داوای ئاگربەستنی تەواو لە کەرتی غەززە دەکات

قودس - AA

سەرۆکوەزیرانی ئیسرائیل، بێنیامین ناتانیاھو داوای بەستنی ئاگربەستی تەواو لە کەرتی غەززە دەکات.

بێنیامین ناتانیاھو بەرلە کۆبوونەوەی ھەفتانەی کابینەی حکوومەتەکەی ھەڵسەنگاندنی بۆ ئەگەری بەستنی ئاگربەستنی درێژخایەن لە نێوان ئیسرائیل و حەماس کرد.

سەرۆکوەزیرانی ئیسرائیل راشیگەیاند کە پلانەکانیان لەبارەی دۆخی غەززە ئامادەیە، بەڵام لە ئێستادا ناتوانن وردەکارییەکان ئاشکرا بکەن و گوتی: "ئامانجەمان ئەوەیە کە ھاووڵاتییانمان لە باشوور ژیانێکی ئاسوودە بەسەرببەن".

بێنیامین ناتانیاھو باسی لە بەستنی ئاگربەست لە غەززە کرد و گوتی: "بۆچوونی ئێمە لەمبارەیەوە ئاشکرایە. ئاگربەستی تەواومان دەوێت، بەوە کەمتر رازی نابین".

سەرەتای ئەم مانگە چەند ھەواڵێکی پەیوەندیدار بە بەستنی ئاگربەست لە نێوان حەماس و ئیسرائیل بە نێوەندگیری نەتەوە یەکگرتووەکان و میسر لە راگەیاندنەکان بڵاوبووەوە.