ئەنقەرە - AA

سەرۆکی ئەمریکا، دۆناڵد ترەمپ ڕایگەیاند: "بۆ ئەوەی سیستمی ئەمریکا بە تەواوی چاک بێتەوە، لە گشت وڵاتانی جیهانی سێهەمەوە بۆ هەمیشە کۆچ کردن بۆ ئەمریکا ڕادەگرم".

لە هەژماری خۆی لە تۆڕی کۆمەڵایەتیی، ترەمپ باسی لە سیاسەتەکانی کۆچبەریی کرد.

ترەمپ ئاماژەی بەوە کرد ئەمریکا لە ڕووی تەکنەلۆجییەوە پێشکەوتووە، بەڵام سیاسەتەکانی کۆچبەری زیان بەم سەرکەوتنانە دەگەیەنن و، گوتی: "بۆ ئەوەی سیستمی ئەمریکا بە تەواوی چاک بێتەوە، لە گشت وڵاتانی جیهانی سێهەمەوە بۆ هەمیشە کۆچ کردن بۆ ئەمریکا ڕادەگرم".

سەرۆکی ئەمریکا ترەمپ، ئەوەیشی خستەڕوو کۆتایی بەو پەسەندیانە دەهێنێت کە لەلایەن سەرۆکی پێشووی ئەمریکا، جۆ بایدن و ئیدارەکەیەوە "بە شێوەیەکی نایاسایی" ئەنجامدراون و، ئەو کەسانەی هاوکاری ئەمریکا ناکەن و وڵاتەکەیان خۆش ناوێت دەنێردرێنەوە.

ترەمپ جەختی لەسەر ئەوەیش کردەوە گشت هاوکاریە فیدراڵییەکان بۆ کەسانی ناهاووڵاتی کۆتاییان پێدەهێنرێت و، ڕایگەیاند: "هەموو ئەو کەسە بیانییانەی مەترسیی ئەمنییان هەیە یان ناتوانن لەگەڵ شارستانییەتی ڕۆژئاوا بگونجێن، سنوورداش دەکەمەوە".