ئەنقەرە - AA

سەرۆکی ئەمریکا، دۆناڵد ترەمپ، بانگەشەی ئەوەی کرد بە ڕێژەیەکی بەرچاو ڕێگرییان کردووە لە گەیشتنی قاچاخچییانی ماددە هۆشبەری ڤەنزوێلی بە ڕێگەی دەریایی بۆ ناو وڵات و، زۆر نزیکیشن لە ڕێگەی وشکانیشەوە ڕایان بگرن.

لە گوتارێکیدا بۆ ئەندامانی سوپا، ترەمپ هەڵسەنگاندنی بۆ ئەو گرژییەی کرد کە ماوەی چەند مانگێکە لەگەڵ ڤەنزوێلا لەسەر بانگەشەی قاچاخچێتی ماددە هۆشبەرەکان بەردەوامە.

ترەمپ ئاماژەی بەوە کرد کە لە هەفتەکانی ڕابردوودا هەوڵی زۆریان داوە بۆ ڕێگریی کردن لە ژمارەیەکی زۆر قاچاخچییانی ماددە هۆشبەرەکانی ڤەنزوێلا و، بانگەشەی ئەوەی کرد کە لەم بوارەدا سەرکەوتنی تەواویان بەدەستهێناوە.

سەرۆکی ئەمریکا ترەمپ، ئەوەیشی خستەڕوو کە بەهۆی ئەو ماددە هۆشبەرانەی سالانە لە ڤەنزوێلاوە ڕەوانەی ئەمریکا دەکرێن، سەدان هەزار کەس لە ئەمریکا گیان لەدەست دەدەن، لەبەرئەوە چارەسەری ئەم دۆخە دەکەن.