ئیستانبوڵ - AA

سەرکۆماری تورکیا، ڕەجەب تەیب ئەردۆغان، پەیوەندییەکی تەلەفۆنی لەگەڵ سەرکۆماری ئێران، مەسعود پزیشکیان ئەنجام دا.

بەپێی ڕاگەیاندراوێکی سەرۆکایەتی فەرمانگەی پەیوەندییەکانی سەرۆکایەتی کۆماری تورکیا، سەرکۆمار ئەردۆغان و پزیشکیان پەیوەندیيە دووقۆڵییەکانی تورکیا و ئێران و، ئەو گرژیە سەربازییەی لە ناوچەکەدا ڕوویان لە هەڵکشان کردووە، تاوتوێ کرد.

سەرکۆمار ئەردۆغان، جەختی لەسەر ئەوە کردەوە کە تورکیا ئامادەیە بۆ کەمکردنەوەی گرژییەکان و چارەسەرکردنی کێشەکان، ڕۆڵی ئاسانکاری لە نێوان ئێران و ئەمریکادا بگێڕێت.

هاوکات سەرکۆمار ئەردۆغان ئاماژەی بەوەیش کرد ئەمڕۆ پێشوازی لە وەزیری دەرەوەی ئێران دەکات کە بە سەردانێک لە تورکیایە.