سۆماڵ.. بەهۆی تەقینەوەیەك ٢٠ كەس كوژران

مۆگادیشۆ ــ AA

بەهۆی تەقینەوەی بارهەڵگرێكی بۆمبڕێژكراو كە بازاڕێكی لە ناوەڕاستی شاری مۆگادیشۆی پایتەختی سۆماڵ كردە ئامانج، ٢٠ كەس كوژران و بەدەیانی دیكەش بریندار بوون.

گوتەبێژی شارەوانی مۆگادیشۆ، عەبدولفەتاح حلنی بەمیدیاكانی وڵاتەكەی راگەیاند بارهەڵگرێكی بۆمبڕێژكراو لە بازاڕی كاوا غودی ناوەڕاستی شاری مۆگادیشۆ تەقییەوە.

عەبدولفەتاح حلنی ئاماژەی بەوەشدا كە بەهۆی تەقینەوەكەوە، ٢٠ كەس كوژران و بەدەیانی دیكەش بریندار بوون.

تا ئێستا هیچ لایەنێك بەرپرسیارێتی خۆی لە ئەنجامدانی تەقینەوەكە رانەگەیاندووە.