سویسرا .. لە رێگەی مشاری کارەباییەوە ٥ کەس برینداربوون

جنێڤ - AA

لە شاری شۆفهاوزنی سویسرا، هێرشبەرێک لەرێگەی مشاری کارەباییەوە ٥ کەسی بریندارکرد.

پۆلیسی سویسرا ئاماژەی بەوەکرد لە شاری شۆفهاوزنی سویسرا کە دەکەوێتە سەر سنووری ئەڵمانیا، کەسێک کە مشارێکی کارەبایی پێبووە، چووەتە ناو باڵەخانەی کۆمپانیای دڵنیایی تەندروستی و ٥ کەسی بریندارکردووە.

پۆلیس ئاشکرایکردووە کە دۆخی تەندروستی ٢ لە بریندارەکان ناجێگیرە و هاتوچۆش بۆ ناوچەی رووداوەکە، راگیراوە.

ئاماژە بەوە دەکرێت کە ئەو ئۆتۆمبێلەی هێرشبەرەکە بەمەبەستی دوورکەوتنەوە لە ناوچەکە بەکاریهێناوە، دۆزراوەتەوە و هەوڵەکانیش بەمەبەستی دەستگیرکردنی بەردەوامە.

پۆلیس وێنەی هێرشبەرەکەی بڵاوکردووەتەوە و باسی لەوەشکردووە کە هێشتا هۆکاری ئەنجامدانی هێرشەکە نەزانراوە و لێکۆڵینەوە لەوبارەیەوە بەردەوامە.

هاوکات پۆلیس ئاشکرایکردووە هێرشەکە تیرۆریستیی نییە.