سوپای ئەمریکا بنکەی تەنەف-ی ڕادەستی حکوومەتی سووریا

حومس ــ AA

سوپای ئەمریکا دوای کشانەوەی لە بنکەی تەنەف باشووری ڕۆژھەڵاتی سووریا، ڕادەستی حکوومەتی سووریای کردەوە.

چەند سەرچاوەیەک لە حکوومەتی سووریا بە ئاژانسی ئانادۆلویان ڕاگەیاند کە ھێزەکانی سوپای ئەمریکا لە بنکەی تەنەف بەرەو بنکەی "تاوەری ٢٢" لە ئوردن کشاونەتەوە.

سەرچاوەکان ئاماژەیان بەوەشدا کە دوای کشانەوەی ھێزەکانی سوپای ئەمریکا لە بنکەی تەنەف، ھێزەکانی سوپای سووریا لە بنکەکە جێگیرکراون.

باسیان لەوەشکرد کە پێشتر، ٢٠٠ سەربازیی ئەمریکا لە بنکەی تەنەف جیگیرکراون، بەڵام لەئێستادا داتایەکی ورد لەبارەی ژمارەی ئەو سەربازانەی ئەمریکا نییە کە لە بنکەی "تاوەری ٢٢" لە ئوردن جێگیرکراون.

ماوەی ١٠ ساڵ بوو، سوپای ئەمریکا لە بنکەی تەنەف جیگیربوو کە لە بنکەکەوە چاودێری جموجووڵەکانی ڕێکخراوی تیرۆریستی داعشی له‌ ناوچه‌كه‌ دەکرد.