لازقییە ــ AA

لە گوندی "غەمام" لە ناوچەی بایربۆجاق سەربە پارێزگای لازقییە باکووری ڕۆژئاوای سووریا، ڕێوڕەسمی کردنەوەی قوتابخانەیەک کە بە پاڵپشتی تورکیا نۆژەنکراوەتەوە، بەڕیوەچوو.

لە میانی ڕێوڕەسمی کردنەوەی قوتابخانەکە ھەریەک لە ڕێکخەری وەزارەتی پەروەردەی تورکی لە ناوچەی حەلەب، مستەفا ئۆنور و بەرپرسی بەڕێوەبردنی کارەسات و دۆخە لەناکاوەکانی تورکیا (ئافاد) لە لازقییە، محەمەد عاکیف گوڵاش و نوێنەری کۆمەڵەی "زانست و خەرجی"ی تورکیا، حەمزە شەعار و بەڕێوەبەری ناوچەی باکوور سەربە پارێزگای لازقییە، مستەفا جولحە، ئامادەبوون.

حەمزە شەعار لە لێدوانێکدا بۆ ئاژانسی ئانادۆڵو گوتی: "ئەو قوتابخانەیە کە لە گوندی غەمام کراوەتەوە، پێشتر بەھۆی بۆردومانێکی ڕژێمی پێشووی سووریا، زیانی زۆری بەرکەتبوو".

ڕاشیگەیاند: "دوای ئەوەی قوتابخانەکە بە پاڵپشتی تورکیا نۆژەنکرایەوە، ٦٠ قوتابی دەتوانن تیایدا، بخوێنن".