جيهان

سه‌ردانی دۆناڵد تره‌مپ بۆ ئێرله‌ندا

- سه‌رۆكی ئه‌مریكا، دۆناڵد تره‌مپ ئاشكرایكرد له‌دوای ئه‌وه‌ی كه‌ به‌ریتانیا له‌ یه‌كێتیی ئه‌ورووپا جیابوویه‌وه‌، دۆخی سنووره‌كانی ئێرله‌ندا "باش ده‌بێت".

Muhammet Ali Kemal  | 06.06.2019 - نوێکردنەوە : 07.06.2019
سه‌ردانی دۆناڵد تره‌مپ بۆ ئێرله‌ندا

Greater London

له‌نده‌ن- AA

سه‌رۆكی ئه‌مریكا، دۆناڵد تره‌مپ ئاشكرایكرد له‌دوای ئه‌وه‌ی كه‌ به‌ریتانیا له‌ یه‌كێتیی ئه‌ورووپا جیابوویه‌وه‌، دۆخی سنووره‌كانی ئێرله‌ندا "باش ده‌بێت".

دۆناڵد تره‌مپ له‌دوای سه‌ردانه‌كه‌ی بۆ به‌ریتانیا، گه‌یشته‌ ئێرله‌ندا و له‌ فڕۆكه‌خانه‌ی شانۆن له‌گه‌ڵ سه‌رۆكوه‌زیران، لیۆ ڤارادكار كۆبوویه‌وه‌ و هه‌ر له‌وێ روونكردنه‌وه‌یه‌كی كورتی دایه‌ رۆژنامه‌وانان.

تره‌مپ جه‌ختی له‌وه‌كرده‌وه‌ له‌دوای ئه‌وه‌ی كه‌ به‌ریتانیا له‌ یه‌كێتیی ئه‌ورووپا جیابوویه‌وه‌، دۆخی سنووره‌كانی ئێرله‌ندا "باش ده‌بێت"، تره‌مپ گوتی: "پێموانییه‌ سنوور ببێته‌ كێشه‌".

له‌ وه‌ڵامی ره‌خنه‌كه‌ی سه‌ركۆماری ئێرله‌ندا، مایكڵ هیگنز، كه‌ هه‌ڵوێستی ئه‌مریكای له‌باره‌ی گۆڕانی كه‌شوهه‌وا به‌ "مه‌ترسیدار و دڵره‌قانه‌" ناوبردبوو، تره‌مپ تیشكی خسته‌سه‌ر ئه‌وه‌ی وڵاته‌كه‌ی له‌ رووی ژینگه‌وه‌ "تێكنه‌چووه‌".

دوای كۆبوونه‌وه‌كه‌ش، سه‌رۆكی ئه‌مریكا چووه‌ ئه‌و هۆتێله‌ی خۆی كه‌ ساڵی ٢٠١٤ كڕیبووی و یاریگای گۆڵفیشی تێدایه‌.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın