حووسییەكان: "ئەمریكا شەش هێرشی ئاسمانیی كردووەتە سەر باكوور و ناوەڕاستی یەمەن"

ئیستانبوڵ ــ AA

حووسییەکان ڕایانگەیاند کە فڕۆکە جەنگییەکانی ئەمریکا، شەش ھێرشیان کردووەتە سەر سەنعای پایتەخت (باکوور) و پارێزگای مەئرەب (ناوەڕاست)ی یەمەن.

کەناڵی مەسیرە بڵاوی کردەوە کە فڕۆکە جەنگییەکانی ئەمریکا، چوار ھێرشیان کردووەتەوە سەر پارێزگای مەئرەب کە لە میانیدا ناوچەی مەجزەر-یان سەربە پارێزگاکە کردووەتە ئامانج.

ھەروەھا ڕاشیگەیاندووە کە فڕۆکە جەنگییەکانی ئەمریکا دوو ھێرشی دیکەیان کردووەتە سەر ناوچەی مەحجەر سەر پارێزگای سەنعای پایتەحت.

کەناڵەکە، وردەکاری زیاتری لەوبارەیەوە بڵاونەکردووەتەوە.

پێشتر کەناڵی مەسیرە بڵاوی کردبوویەوە کە دوێنێ دووشەممە، فڕۆکە جەنگییەکانی ئەمریکا، ٢٥ ھێرشیان کردووەتە سەر پارێزگای حودەیدە و دوو ھێرشیانيش کردووەتە سەر پارێزگای مەئرەب.