ئەمریکا هۆشداری دەداتە ئەو وڵاتانەی پشتگیری کۆریای باکوور دەکەن

نەتەوەیەکگرتووەکان AA

نوێنەری هەمیشەیی ئەمریکا لە نەتەوەیەکگرتووەکان، نیکی هالی لەبارەی ئەوانەی پشتگیری لە تاقیکردنەوەی مووشەکی هەڵگری کڵاوی ئەتۆمی کۆریای باکوور دەکەن گوتی: "دەبێت پشتگیری ئێمە یان کۆریای باکوور بکەن، ئەو وڵاتانەش کە پشتگیری کۆریای باکوور دەکەن سزایان بەسەردا دەسەپێنین".

ئەمە لە کاتێکدایە کە ئەنجوومەنی ئاسایشی نەتەوەیەکگرتووەکان لەسەر پرسی تاقیکردنەوەی مووشەکی لە لایەن کۆریای باکوور لە ١٣ی ئەم مانگەدا، کۆبوویەوە.

نیکی هالی پێش کۆبوونەوەکە گوتی: "هەرکاتێک کۆریای باکوور تاقیکردنەوەی مووشەکی راگرت ئەمریکا ئامادەیە لەگەڵ ئەو وڵاتەدا کۆببێتەوە. رووسیاش دەبێت نیگەران بێت لە تاقیکردنەوەی ئەتۆمی کۆریای باکوور... یان دەبێت پشتگیری ئێمە بکەن یان کۆریای باکوور. ئەو وڵاتانەی پشتگیری کۆریای باکوور دەکەن، سزایان بەسەردا دەسەپێنین".