تاقیکردنەوەیەکی مووشەکی نوێ لە لایەن کۆریای باکوورەوە

واشنتۆن- AA

فەرماندەیی هێزەکانی ئەمریکا لە زەریای هێمن (PACOM)، رایگەیاند، کۆریای باکوور جارێکی دیکە مووشەکێکی تاقیکردووەتەوە.

لە راگەیەنراوێکدا کە لە لایەن فەرماندەییەکەوە بڵاوکراوەتەوە، ئاماژە بەوەکراوە کە لە کاتژمێر ١٠:٣٠دا بە کاتی هاوای، کۆریای باکوور مووشەکەکەی هەڵداوە و لە لایەن ئەوانەوە پێی زانراوە.

هەروەها تێیدا هاتووە ''مووشەکەکە لە نزیک کوسونگەوە هەڵدرا و کەوتە دەریای ژاپۆنەوە. سەبارەت بە جۆری مووشەکەکە لێکۆڵینەوە و هەڵسەنگاندنەکان بەردەوامن بەڵام فڕینەکەی لەگەڵ فڕینی مووشەکی بالیستیی کیشوەربڕدا یەکناگرێتەوە''.

فەرماندەییەکە جەختی لەوە کردووەتەوە کە لەبەرامبەر هەڕەشەکانی حکوومەتی پیۆنگ یانگدا، پشتیوانیی هەریەک لە ژاپۆن و کۆریای باشووری هاوپەیمانیانن و ئاماژە بەوەشکراوە ئەو مووشەکەی تاقیکراوەتەوە نابێتە مایەی هیچ هەڕەشە و مەترسییەک بۆسەر ئەمریکای باکوور.