ئێران.. بوومەلەرزەیەک تارانی هەژاند

ئیستانبوڵ - AA

بوومەلەرزەیەک کە گوڕەکەی ٥،٢ پلە بوو لەسەر پێوەری رێختەر، تارانی پایتەختی ئێرانی هەژاند.

ناوەندی بوومەلەرزەزانی پەیمانگای جیۆفیزیکی زانکۆی تاران رایگەیاند، بوومەلەرزەیەک بەگوڕی ٥،٢ کاتژمێر ٢٣:٢٧ بە کاتی ناوخۆ (٢٢:٥٧) بە کاتی هەرێمی کوردستان دای لە تاران کە ناوەندەکەی شارۆچکەی مالاراد بووە.

چەقی بوومەلەرزەکە لە قوڵایی حەوت کیلۆمەتری توێکڵی زەویدا بووە و لە شارەکانی قەزوین و ئاراک هەستی پێکراوە و تا ئێستا هیچ زانیارییەک بڵاو نەکراوەتەوە لەسەر زیانەکان.