ئۆبرادۆر سه‌رۆكی نوێی مه‌كسیكه‌

بۆگۆتا - AA

ئه‌ندرێس مانوێل لۆپێز ئۆبرادۆر كاندیدی چه‌پڕه‌وه‌كان له‌ هه‌ڵبژاردنی سه‌رۆكایه‌تیی مه‌كسیكدا، سه‌ركه‌وتنی به‌ده‌ست هێنا.

مه‌كسیك كه‌ ژمارەی دانیشتوانی نزیكه‌ی 130 ملیۆن کەسە، زیاتر له‌ 89 ملیۆن ده‌نگده‌ر بوونیان هەیە و رێژه‌ی سه‌دا 62ی ده‌نگده‌ران به‌شداریی پرۆسەی دەنگدانیان كردبوو.

به‌پێی ئه‌و ئه‌نجامانه‌ی په‌یمانگای هه‌ڵبژاردنی نیشتمانیی مه‌كسیك بڵاویكردووه‌ته‌وه‌ و چاوه‌ڕوان ناكرێت گۆڕانكارییه‌كی ئه‌وتۆ تیایدا رووبدات، ئه‌ندرێس مانوێل لۆپێز ئۆبرادۆر كاندیدی چه‌پڕه‌وه‌كان رێژه‌ی سه‌دا 48ی ده‌نگه‌كانی به‌ده‌ستهێناوه‌.

ریكاردۆ ئانایا كۆرتێس ركابه‌ره‌كه‌ی ئۆبرادۆر رێژه‌ی سه‌دا 27 و جۆس ئه‌تۆنیۆ میادی كوریبرێنا سه‌دا 17 و جامی رۆدریگێز كاڵدرۆن رێژه‌ی سه‌دا شەشی ده‌نگه‌كانی به‌ده‌ستهێناوه‌.