ئه‌مریكا له‌ سێداره‌دان له‌ میسر "به‌ ره‌وا" ده‌زانێت

واشنتۆن – AA

له‌ یه‌كه‌م راگه‌یه‌ندراوی فه‌رمیدا له‌باره‌ی له‌ سێداره‌دان له‌ میسر ئیداره‌ی ئه‌مریكا به‌ جه‌ختكردنه‌وه‌ له‌وه‌ی "یاسای نێوده‌وڵه‌تی رێگای به‌ سزای له‌ سێداره‌دان داوه‌" ره‌وایه‌تی به‌خشی به‌و جۆره‌ سزایه‌ له‌و وڵاته‌.

به‌رپرسێكی باڵا له‌ وه‌زاره‌تی ده‌ره‌وه‌ی ئه‌مریكا له‌ وه‌ڵامی ئه‌و پرسیاره‌ی په‌یامنێری ئاژانسی ئانادۆڵو له‌ باره‌ی له‌ سێداره‌دان له‌ میسر له‌ جێگری گوته‌بێژی وه‌زاره‌تی ده‌ره‌وه‌ی ئه‌مریكا، رۆبه‌رت پۆڵادینۆ-ی كردبوو راگه‌یه‌ندراوێكی بڵاوكرده‌وه‌.

ئه‌و به‌رپرسه‌ ئاماژه‌ی به‌وه‌ داوه‌ كه‌ ئاگاداری له‌سێداره‌دانن له‌ میسر، به‌ڵام رایگه‌یاندووه‌ كه‌ باسی ئه‌و كه‌سانه‌ ناكات كه‌ له‌ سێداره‌ دراون یان ئه‌و سزایه‌یان به‌سه‌ردا سه‌پێندراوه‌.

- "گڵۆپی سه‌وز" بۆ له‌ سێداره‌دان له‌ میسر

له‌ راگه‌یه‌ندراوه‌كه‌ی گه‌وره‌ به‌رپرسه‌ ئه‌مریكییه‌كه‌دا هیچ جۆره‌ ئیدانه‌كردنێكی به‌كار نه‌هێناوه‌ به‌رامبه‌ر پرۆسه‌ی دادگاییكردن و له‌ سێداره‌دان له‌ میسر و نووسیوویه‌تی: "سزای له‌ سێداره‌دان تاكو به‌ پێی یاسا ناوخۆی وڵات و به‌ ره‌چاوكردنی مه‌رجه‌ نێوده‌وڵه‌تییه‌كان، یاسای نێوده‌وڵه‌تی رێگه‌ی پێدراوه‌. جه‌خت له‌سه‌ر گرنگی ده‌سته‌به‌ركردنی مافی دادگاییكردنی دادوه‌رانه‌ و مامه‌ڵه‌ی مرۆیی له‌گه‌ڵ ده‌ستبه‌سه‌ركراوان له‌ هه‌موو وڵاتێك ده‌كه‌ینه‌وه‌. ئاگادارین كه‌ به‌پێی یاساكانی میسر به‌دواداچوون له‌باره‌ی ئه‌و كه‌سانه‌ی سزای له‌ سێداره‌دانیان به‌سه‌ردا سه‌پێندراوه‌ پێشكه‌شی لایه‌نه‌ په‌یوه‌ندیداره‌كان كراوه‌".