له‌ توركیا ١٢ هه‌زار كارمه‌ندی گرێبه‌ستی ته‌ندروستی داده‌مه‌زرێنرێن

ئه‌نقه‌ره‌- AA

وه‌زاره‌تی ته‌ندروستی توركیا بڵاویكرده‌وه‌ له‌ماوه‌ی مانگێكدا وه‌رگرتنی ١٢ هه‌زار كارمه‌ندی گرێبه‌ستی ته‌ندروستی به‌پێی سیستمی تاقیكردنه‌وه‌ی هه‌ڵبژاردنی كارمه‌ندی حكوومه‌ت، راده‌گه‌یه‌نرێت.

وه‌زیری ته‌ندروستی توركیا، فه‌خره‌دین كۆجا، له‌ هه‌ژماری خۆیه‌وه‌ له‌ تۆڕی كۆمه‌ڵایه‌تی تویته‌ر، په‌یامێكی له‌وباره‌یه‌وه‌ بڵاوكردووه‌ته‌وه‌.

كۆجا رایگه‌یاندووه‌: "سه‌رگه‌رمی دامه‌زراندنی ١٢ هه‌زار كارمه‌ندی گرێبه‌ستی ته‌ندروستین وه‌ك قۆناغی یه‌كه‌می كاره‌كانمان له‌ ره‌خساندنی هه‌لیكار له‌ داموده‌زگا حكوومییه‌كاندا كه‌ پێشتر مژده‌ی دامه‌زراندنی ٢٩ هه‌زار و ٦٨٩ كارمه‌ندمان دابوو".