وەزیری ناوخۆی تورکیا: "ئۆپەراسیۆنەکانمان بەردەوامن تا دوا تیرۆریست لە چالاکی دەخرێت"

ئەنقەرە ــ AA

وەزیری ناوخۆی تورکیا، عەلی یەرلیکایا ڕاگەیاند: "پێداگیرانە ئۆپەراسیۆنەکانمان بەردەوامن، تا دوا تیرۆریست لە چالاکی دەخرێت".

عەلی یەرلیکایا لە ھەژماری خۆی لە تۆڕی کۆمەڵایەتی "X" دیمەنی ئۆپەراسیۆنی "قارەمانەکان-٤٢"ی بڵاوکردەوە کە لە چیای جودی و گابار و ناوچەکانی دیکەی ڕۆژھەڵاتی وڵات دژبە تیرۆریستان بە بەشداری ٣٧ تیم و ٥١٨ ئەندام لە ھێزەکانی پۆلیس و جەندرمە ئەنجام دەدرێت.

Bölücü Terör Örgütüne (BTÖ) yönelik Cudi Dağı, Gabar Dağı, Beytüşşebap ve Bestler Dereler bölgelerinde 3⃣7⃣ Tim 5⃣1⃣8⃣ Jandarma Personeliyle başlatılan "KAHRAMANLARLAR-42” Operasyonlarımız devam ediyor 🇹🇷

Operasyonları gerçekleştiren Kahraman Jandarmalarımızın Allah… pic.twitter.com/39D55mJISm

— Ali Yerlikaya (@AliYerlikaya) January 14, 2024

ڕاشگەیاندووە کە ھێزە ئەمنییەکانی تورکیا، بە درێژایی ساڵ و بە درێژایی چوار وەرزەکە، شەو و ڕۆژ ئۆپەراسیۆن ئەنجام دەدەن، تا دوا تیرۆریست لە چالاکی دەخەن.

دوێنێ شەممە وەزارەتی بەرگریی تورکیا ڕایگەیاندبوو لە ناوچەی ئۆپەراسیۆنی چنگ-قفڵ لە باکووری عێراق، لە کاتێکدا تیرۆریستانی (پەکەکە) دەیانەویست دزە بکەنە ناو بنکەیەکی سەربازیی، پێکدادان ڕووی داوە و بە ھۆیەوە نۆ سەرباز شەھید بوون.