وان - AA
بەهۆی ئەو شەپۆلە بەفربارینەی کە پارێزگاکانی وان، هەکاری، مووش و بەدلیسی گرتووەتەوە، ڕێگەی هاتوچۆی هەزار و ١٤٤ ئاوایی و ناوچەی نیشتەجێبوونی گیراوە.
بەفربارین پارێزگای وان، هەکاری، مووش و بەدلیس لە ڕۆژهەڵاتی تورکیای گرتووەتەوە و کاریگەری لەسەر ژیانی خەڵک هەبووە.
لە چەند ڕۆژی ڕابردوودا تیمەکانی پاککردەوەی ڕێگەوبان ڕێگەی هاتوچۆی نێوان سەدان گوند و ئاواییان کردووەتەوە.
تا ئێستاش بە هۆی ئەو شەپۆلە بەفرەوە بەشێک لە ڕێگەکانی هاتوچۆ نەکراوەتەوە.
لە ئێستادا هەوڵەکانی تیمەکانی ڕێگەوبان و شارەوانی لە هەر کام لەو پارێزگایانە بۆ کردنەوەی ڕێگەی نێوان هەزار و ١٤٤ گوند کە داخراوە، بەردەوامە.
