کردنەوەی ڕێگاوبانی ٥٧ گوندی ئەلازیغ کە بەهۆی بەفرەوە داخرابوون

ئەلازیغ - AA

لە کۆی ١١١ گوندی سەربە ناوەندی ئەلازیغ و قەزاکانی ناوچەکە کە بەهۆی بەفرەوە داخرابوون، ڕێگاوبانی ٥٧ گوندیان بەڕووی هاتوچۆدا کرانەوە.

بەپێی ئەو زانیارییەی لە بەڕێوەبەرایەتی خزمەتگوزارییەکانی ڕێگاوبان و گواستنەوەی سەربە ئیدارەی تایبەتی پارێزگاکە وەرگیراوە، کاتەکانی نیوەڕۆ لە دوای بارینی بەفرێکی زۆر لە شارەکە و دەوروبەری ژمارەیەک لە ڕێگاوبانەکانی ناوچەکە داخران، دواتر بە هەوڵی تیمەکان ڕێگاوبانی ١٢ گوند لە ناوەندی شارەکە، ٣٥ گوند لە سیڤریچە، شەش گوند لە پالو، دوو گوند لە مادەن و دوو گوند لە کەبان بەڕووی هاتوچۆدا کرانەوە.

لەلایەکی دیکەوە، تیمەکان بەردەوامن لەسەر هەڵمەتەکانیان بۆ ڕاماڵینی بەفری سەر ڕێگاوبانەکان و کردنەوەی ئەو ڕێگایانەی دیکە کە بەهۆی بەفرەوە داخراون.