هەکاری.. ١٤ کەسی گیرخواردووی ناو بەفر رزگار کران

هەکاری – AA

١٤ فەرمانبەری گیرخواردوو لە ناوچەی خلیسکەی سەر بەفری مێرگا بوتان لە هەکاری رزگار کران.

بەپێی زانیارییەکان دوای ئەوەی تیمی فریاگوزاری و راماڵینی بەفری پارێزگای هەکاری ئۆپەراسیۆنێکیان ئەنجامدا بەمەبەستی رزگارکردنی ١٤ فەرمانبەری فەرمانگەی وەرزش و لاوان کە ناوچەی خلیسکەی سەر بەفری مێرگا بوتان کە ١٢ کیلۆمەتر لە شاری هەکارییەوە دوورە، بەهۆی شەپۆلی چڕی بەفر و رەهێڵەوە گیریان خواردبوو.

تیمەکان بەشێوەیەکی سەرکەوتوو توانیان رێگاکە بکەنەوە و ئەو کەسانە رزگار بکەن و لەڕێگەی پاسی بچووکەوە بیان گەیەننەوە شاری هەکاری.