هێرشه‌ تیرۆریستییه‌که‌ی ئیستانبوڵ

ئیستانبوڵ- AA

تەرمی ٣٣ کەس لەو ٣٩ کەسەی کە لە ھێرشە تیرۆریستییەکەی ئیستانبوڵدا گیانیان لەدەستدابوو، رادەستی کەسوکاریان کرایەوە.

بەپێی ئەو زانیارییانەی دەستکەوتوون، کارەکانی تەرمی ٣٣ کەس لەو کەسانەی کە لە ھێرشە تیرۆریستییەکەی ناوچەی ئۆرتاکۆی گیانیان لەدەستدا، تەواوبووە.

دوای ئەوەش کە تەرمی ٢٦ لەو کەسانە رادەستی خانەوادەکانیان کرایەوە، ھەر دوێنێ ٧ تەرمی دیکە درایەوە بە خانەوادەکانیان.

ئەوەش زانراوە کە تەرمی ٦ کەسیان کە تائێستاش لە پزیشکی دادوەرین، چاوەرێی خانەوادەکانیان دەکرێت تاوەکو لە دەرەوەی وڵاتەوە بێن و تەرمەکان وەربگرنەوە.