لە هەکاری پێشبڕکێی خلیسکێنەی سەر بەفر رێکخرا

هەکاری - AA

لە شاری هەکاری پێشبڕکێی خلیسکێنەی سەر بەفر لە نێوان خوێندنگەکاندا رێکخرا.

هەریەک لە بەڕێوەبەرایەتییەکانی پەروەردە، لاوان و وەرزش لە شارەکە لە ناوەندیی خلیسکێنەی مێرگا بۆتان کە ١٢ کیلۆمەتر لە ناوەندی شارەوە دوورە و دوو هەزار و ٨٠٠ مەتر لە ئاستی دەریاوە بەرزە، پێشبڕکێیەکی خلیسکێنەی سەر بەفریان بۆ چوار ئاست ساز کرد و ٥٤ وەرزشەوان لە خوێندنگەکانی هەموو پارێزگاکەوە بەشدارییان تێدا کرد.

بەر لە دەستپێکردنی پێشبڕکێکە، وەرزشەوانەکان خۆیان ئامادە کرد و کێبڕکێیەکی توندیان لەگەڵ یەکتردا کرد.

هاوکات رێکخەرانی پێشبڕکێکە، هاوکاریی ئەو خوێندکارانەیان دەکرد کە لە میانی پیشبڕکێکەدا دەکەوتن.

دوای تەواوبوونی پێشبڕکێکە یەکەمەکان لەسەر هەموو ئاستەکان دیاریی دەکرێن.