ئیستانبوڵ - AA

سەرکۆماری تورکیا، ڕەجەب تەیب ئەردۆغان پەیوەندییەکی تەلەفۆنی لەگەڵ سەرۆکی ئۆکراینا، ڤۆلۆدیمێر زێلێنسکی ئەنجام دا.

بەپێی ڕاگەیاندراوی فەرمانگەی پەیوەندییەکان لە سەرۆکایەتی کۆماری تورکیا، لە پەیوەندییە تەلەفۆنیيەکەدا پەیوەندییە دووقۆڵییەکانی تورکیا-ئۆکراینا، پرۆسەی ئاشتیی ڕووسیا-ئۆکراینا و پرسە هەرێمیی و جیهانییەکان تاوتوێ کرا.

سەرکۆمار ئەردۆغان لە پەیوەندیە تەلەفۆنییەکەدا ئاماژەی بەوە کرد لە نزیکەوە چاودێریی دیدارەکانی ئالاسکا و واشنتۆنیان کردووە و، تورکیا بەردەوامە لە ھەوڵەکانی بۆ ئەوەی جەنگەکە بە ئاشتییەکی ھەمیشەیی کۆتایی بێت و، لەگەڵ بەدیهێنانی ئاشتییدا تورکیا بەردەوام دەبێت لە هاوکار بوون بۆ بەرقەراربوونی ئاسایشی ئوکراینا.

سەرکۆمار ئەردۆغان پیرۆزبایی ڕۆژی سەربەخۆیی ئۆکراینای کرد و، ئاماژەی بەوە کرد دەکرێت چارەسەرێکی دادپەروەرانە لە جەنگی ئۆکراینا و ڕووسیا بێتە ئاراوە، لەبەرئەوە پێویستە گفتوگۆکانی نێوان ھەردوولا بەهێز بکرێن و درێژەیان هەبێت، ئەوەیشی خستەڕوو کە تورکیا ئامادەیە ھەرچی لە توانایدایە ئەنجامی بدات بۆ ئەوەی پەیوەندییە ئاست بەرزەکان کە ڕێگە بەردەم ئاشتیی خۆش دەکەن ئەنجام بدرێن.