توێژی سەرەوەی چەم و رووبارەکان لە رۆژهەڵاتی ئانادۆڵو بەستوویەتی

ئەرزەڕۆم – AA

توێژی سەرەوەی چەم و رووبارەکان لە ئەرزەڕۆم، قەرس، ئەردەخان، دێرسم و ئاگری بەستوویەتی.

پلەکانی گەرما لە شەودا لە خوار هەشت پلەی ژێر سفری سەدی لە ئەرزەڕۆم تۆمار کران و شەختە لەسەر ژمارەیەک لە رێگا و شۆستەکان دروست بوو.

بەهۆی ئەو شەپۆلی سەرماوسۆڵەی رووی لە ناوچەکە کردووە توێژی سەرەوەی ژمارەیەک لە چەمەکانی چیای پاڵاندۆکان بەستوویەتی.

بەفر ٢١ سانتیمەتر لە ناوچەی خلیسکێنەی سەربەفری پاڵاندۆکەن و ١٢ سانتیمەتریش لە ناوچەی خلیسکێنەی سەربەفری کۆناکڵی کەڵەکە بووە.

- قەرس

بەهۆی دابەزینی پلەکانی گەرماوە، بەشێک لە چەمی قەرس و رووباری ئاجیسو بەستوویەتی.

توێژی بەستوو لەسەر شووشەی ئۆتۆمبێلەکان لە شاری ساریقامش دروست بووە کە پلەکانی گەرما لە شەودا لەوێ بۆ خوار ١٢ پلەی ژێر سفری سەدی دابەزیبوون.

- ئەردەخان

توێژی بەستوو لەسەر دارەکان و شەختەیش لەسەر رێگا و شۆستەکان لە ئەردەخان دروست بووە.

- دێرسم

پلەکانی گەرما لە شەودا لە دێرسم بۆ ژێر سفر دابەزین و بەم هۆیەوە توێژی بەستوو لەسەر دار و رووەکەکان دروست بووە.

ژمارەیەک لە هاووڵاتییانیش بە زەحمەت دەیانتوانی بەو رێگایانەدا بڕۆن کە بەستوویەتی.

- ئاگری

توێژی سەرەوەی رووباری موراد و ژمارەیەک لە چەمەکانی ئاگری بەستوویەتی.

ئەو شەپۆلە سەرماوسۆڵەی قەزای هامور-ی گرتووەتەوە کاریگەری نەرێنی کردووەتە سەر ژیانی هاووڵاتییان.