ئەنقەرە - AA

سەرۆکی گشتیی مەهەپە، دەوڵەت باخچەلی سەبارەت بە دەستووری نوێ ڕایگەیاند: "هیوادارین لەو چوارچێوە دەستوورییەی دوای جەژن ئامادە دەکرێت، تورکیا لە ڕێگەی پەرلەمانەکەیەوە ئەرکێکی گرنگ بگرێتە ئەستۆ و کارێک دەست پێ بکات کە تورکیا بۆ ئایندە ئامادە بکات".

دوای ئەنجامدانی نوێژی جەژنی قوربان، باخچەلی سەردانی مەزاری دامەزرێنەرى مەهەپە و سەرۆکی گشتیی پێشووی پارتەکە، ئالپارسلان تورکێشی کرد.

دوای سەردانەکەی باخچەلی بۆ ڕۆژنامەنووسان دووا و، جەژنە پیرۆزەی کرد و، باسی لە دەستووری نوێ کرد و، ڕایگەیاند: "هیوادارین لەو چوارچێوە دەستوورییەی دوای جەژن ئامادە دەکرێت، تورکیا لە ڕێگەی پەرلەمانەکەیەوە ئەرکێکی گرنگ بگرێتە ئەستۆ و کارێک دەست پێ بکات کە تورکیا بۆ ئایندە ئامادە بکات".

گوتیشی: "پێویستە دەستووری کودەتاکان نەهێڵدرێت، پێویستە ئەو تێگەیشتنە قبوڵ بکرێت کە پێویستیمان بە دەستوورێکی نوێ هەیە لەسەر بنەمای ئیرادەی نیشتمانیی بێت و هەموو بیروبۆچوونەکانی پارتە سیاسییەکان لە چوارچێوەی تێگەیشتنی دەستوورێکی دامەزرێنەر وەربگیرێت".