باخچەلی: "هاوپەیمانی جومهور دەپارێزین سیستمی حکوومەتی سەرۆکایەتی کۆمار بەزیندووی ڕادەگرین"

ئەنقەرە - AA

سەرۆکی گشتیی مەهەپە، دەوڵەت باخچەلی ڕایگەیاند: "ئاسایشی تورکیا لە کۆتا سنووری نەخشەی میساقی میللیەوە دەستپێدەکات. لەبەرئەوە پێویستە تورکیا هەڕەشە و مەترسییەکان لە سەرچاوەکەیدا لەناوببات".

لە میانی گوتارێکیدا کە لە کۆبوونەوەی فراکسیۆنی پارتەکەیدا لە پەرلەمانی تورکیا پێشکەشی کرد، باخچەلی ئاماژەی بەوە کرد ئەوانەی وەک کاپتنێکی پێشووی کەشتییەک کار دەکەن کە خەریکە ژێر ئاو دەکەوێت و لەبەرئەوەی کامێرای سەر ئەو ڕێڕەوی ئاوی تێدا بەرزبووەتەوە کوژاندووەتەوە هەست بە هیچ ناکات، پەیوەندیان بە ڕاستییەوە پچڕاوە و بەڕووی پێشهاتەکاندا داخراون.

گوتیشی: "کەشتی درۆ و نکۆڵی کە پارتە ئۆپۆزسیۆنە پینەدار و بریندارەکانی ئەمڕۆ لە دەریای بوختاندا پێیدەگەڕێن لە هەموو لایەکیەوە ئاوی تێدەچێت".

سەرۆکی گشتیی مەهەپە باسی لە ئاسایشی تورکیا کرد و ڕایگەیاند: "ئاسایشی تورکیا لە کۆتا سنووری نەخشەی میساقی میللیەوە دەستپێدەکات. لەبەرئەوە پێویستە تورکیا هەڕەشە و مەترسییەکان لە سەرچاوەکەیدا لەناوببات".

گوتیشی: "چارەنووسی نەتەوەییمان تەسلیمی ڕێکەوت ناکەین. هاوپەیمانی جومهور دەپارێزین، سیستمی حکوومەتی سەرۆکایەتی کۆمار بەزیندووی ڕادەگرین".