ئیستانبوڵ.. بەغیابی نوێژی مردوو بۆ مورسی لە بەردەم کۆنسولخانەی میسر

ئیستانبوڵ - AA

لە شاری ئیستانبوڵ بە سەدان کەس لەبەردەم کۆنسولخانەی میسر لە شارەکە گردبوونەوە و بۆ کۆچی دوایی سەرکۆماری میسر، محەمەد مورسی نوێژی مردوویان بە غیابی ئەنجامدا.

لەسەر بانگەوازی رێکخراوەکانی کۆمەڵگەی مەدەنی، هاووڵاتییان لەبەردەم کۆنسولخانەی میسر لە ناوچەی بێشکتاش گردبوونەوە و ئیدانەی حکوومەتی ئێستای میسریان کرد و نزایان بۆ مورسی کرد.

بەشداربوانی گردبوونەوەکە چەندین وێنەی مورسی-یان بەرزکردبوویەوە و دروشمی ''جەهەننەم بۆ زاڵمان''یان بەرزکردبوویەوە و سەرکۆماری کودەتاچی عەبدولفەتاح سیسی-یان بە هۆکاری مردنەکەی مورسی تۆمەتبار دەکرد.

بەسەدان کەس ریزیان بەست و بەغیابی نوێژی مردوویان ئەنجامدا بۆ کۆچی دوایی مورسی.

لە لایەکی ترەوە تیمەکانی پۆلیس رێوشوێنی ئەمنی توندیان گرتبوویە بەر.