Barış Kılıç,Muhammet Ali Kemal
22 کانوونی دووەم 2019•نوێکردنەوە: 24 کانوونی دووەم 2019
ئەنقەرە- AA
له چوارچێوهی لێكۆڵینهوهیەکدا له رێكخراوی تیرۆریستیی فهتحوڵڵاچی (فهتۆ)، سهرۆكایهتی داواكاری گشتیی كۆماریی ئهنقهره، یاداشتنامەی دەستگیرکردنی بۆ ٣٤ كارمهند و کارمەندی پێشووی حکوومەت دەرکرد کە ٣٣یان کارمەندی وەزارەتی تەندروستی بوون و ٣٠یان لە کارەکانیان دوورخراونەتەوە و یەکێکیان کارمەندی پێشووی وهزارهتی کشتوکاڵ و دارستانە.
لە راگەیەندراوێکدا کە لە لایەن سەرۆکایەتی داواکاری گشتیی کۆماریی ئەنقەرەوە بڵاوکراوەتەوە، ئاماژە بەوەکراوە یاداشتنامەی دەستگیرکردنی بۆ ٣٣ کەس دەرکراوە کە زۆرینەیان بەکارهێنەری بایلۆک بوون و کارمەندی وەزارەتی تەندروستی و نەخۆشخانەکان بوون و ٣٠یان لە کارەکانیان دوورخراونەتەوە و هەروەها یاداشتنامەی دەستگیرکردن بۆ کارمەندێکی پێشووی وهزارهتی کشتوکاڵ و دارستان دەرکراوە. تیشک خراوەتە سەر ئەوەش کە کارەکانی دەستگیرکردنیان لە ئەنقەرە و پێنج پارێزگای تورکیا درێژەی هەیە.
لە راگەیەنراوەکەدا باس لەوەشکراوە کە تا ئێستا ٢٧ لە گومانلێکراوەکان دەستگیرکراون.
