قەدەغەکردنی "Galaxy Note 7" لە گەشتەکانی کەنەدا

تۆرۆنتۆ

وەزارەتی گەیاندنی کەنەدا، مۆبایلی جۆری "Galaxy Note 7" ی کۆمپانیای سامسونگ لە گشت گەشتەکانی فڕۆکە بازرگانییەکان و فڕۆکەکانی کارگۆ قەدەغەکرد.

وەزارەتەکە بەھۆی مەترسی تەقینەوە لە مۆدێلی "Galaxy Note 7" ی سامسونگ رایگەیاند کە رێگە نادەن گەشتیاران ئەم جۆرە مۆدێلە لەگەڵ خۆیان بھێننە نێو فڕۆکە.

راشگەیەنرا کە ئەوەی "Galaxy Note 7" لە نێو جانتاکەی بشارێتەوە و ئاشکرای نەکات ئەوا رووبەڕووی سزا دەبێتەوە.

لە دوای ئەم بڕبارە ھێڵی ئاسمانی کەنەدا رایگەیاند کە ئەم جۆرە مۆدێلەی لە مۆبایل مەترسی تەقینەوەی زۆرە و بەمەش گەشتی فڕۆکەکان دەخاتە مەترسییەوە ھەر بۆیەش رێگە نادەن ھیچ کەسێک "Galaxy Note 7" لەگەڵ خۆی بھێنێتە نێو فڕۆکە.

کۆمپانیای سامسونگ تا ئێستا ٢.٥ ملیۆن مۆبایلی جۆری "Galaxy Note 7" ی بەھۆی بوونی چەند کێشەیەک لە یەکینەکانی وزەی ئەم مۆبایلە لە بازارەکان کشاندوەتەوە.