ئەنقەرە ــ AA

سەرۆکی ئەمریکا، دۆناڵد ترەمپ ڕایگەیاند، بەھۆی پێداگیری کەنەدا بۆ دانپێدانان بە دەوڵەتی فەڵەستین، ئەستەمە لەگەڵ ئەو وڵاتە بگەن بە ڕێککەوتنی بازرگانی.

دۆناڵد ترەمپ لە ھەژماری خۆی لە تۆڕی کۆمەڵایەتی "Truth Social" لەبارەی لێدوانەکەی سەرۆکوەزیرانی کەنەدا، مارک کارنی کە ڕایگەیاندووە لە مانگی ئەیلوولی داھاتوودا، کەنەدا دان بە دەوڵەتی فەڵەستیندا دەنێت، نووسیوویەتی: "بەھۆی ئەو لێدوانەی مارک کارنی، ئەستە لەگەڵ کەنەدا بگەین بە ڕێککەوتنی بازرگانی".

دوێنێ چوارشەممە سەرۆکوەزیرانی کەنەدا، مارک کارنی ڕایگەیاندبوو لە میانی کۆبوونەوەکانی خولی ٨٠ھەمینی کۆمەڵەی گشتیی نەتەوە یەکگرتووەکان نیویۆرک کە بڕیارە لە مانگی ئەیلوولی داھاتوودا ئەنجام بدرێن، کەنەدا دان بە دەوڵەتی فەڵەستیندا دەنێت.