Li Agiriyê ji bo zêdekirina heywandariya pêz û bereketê di kordinasyona Walîtiyê da "Projeya Di 5 Salan da 750 Hezar Pez" dan destpêkirin, heywandarên bûn xwedî pêz bi bûyîna berxan va kêfxweş bûn.

Kesên ji projeya bi hevkariya Walîtî, Midûriyeta Çandinî û Daristanan û Bankeya Ziraetê hat amadekirin îstifade kirin pezê xwe teslîm hildidin. Di projeyê da heywanan bêyî îpotek û faîzê li heywandaran belav dikin.

Li bajarê ji hêla heywandariyê va di nav bajarên sereke yên Tirkiyeyê da cî digre heywandar di van rojên sir û sermayê da xwedîkirina pezê xwe yê bi piştgiriya dewletê sitandin îhmal nakin.

Heywandar li bajarên li hin ciyên wê qalindahiya berfê digihêje mêtroyekê gihê li ser berfê direşînin û kayê di kurnan da belav dikin û pezê xwe alif dikin. Êdî serî kete pêz û mî dizên, heywandar bi bûyîna berxan kêfxweş dibin.

Fesîh Taşdemîrê li Dîlekyaziya gundê Taşliçaya navçeya Agiriyê heywandariyê dike diyar kir ku bi piştgiriya dewletê pezê xwe zêde kirin, serî kete pêz û van rojan kelecaniya berxan heye.

Taşdemîr wiha axivî: "Kal û bavên me 100 sal e rêncberiyê dikin, ez jî 43 sal e vî karî dikim. Me serî li projeyê xist û pez sitand. Ez ji dewleta me ra sipas dikim. 106 miyên me hebûn, 100 heb jî dewletê dan me. Hetanî niha 70 miyên min zane û em kêfxweş bûn. Neviyên min gelekî ji berxan hez dikin û her tim bi var ra dilîzin. Înşellah ez ê di nav 2 salan da deynê xwe xilas bikim."