Li Agiriyê ku zivistan lê dijwar derbas dibe, ekîbên rêbejayê ji bo ku di hatin û çûyînê da tengasî çênebe şev û roj xebatên paqijkirina berfê didomînin.
Li bajêr ji ber berfa ku di rojên dawîn da dibare, dem demî di hatin û çûyînê da tengasî çêdibe.
Ekîbên Şeftiya Şaxa 123emîn a Rêbejayan ji bo ku welatî tengasiyê nekşînin, xebatên paqijkirina berfê bênavber didomînin.
"Pilingên berfê" bi 41 makîneyên kar va li ser rêbejeyan dixebitin.
Rêya ku Agirî û Qaxizmana navçeya Qersê bi hev va girê dide ji ber berfa zêde ya ku di rojên dawî da barî, ji hatin û çûyînê ra hatibû girtin ku ji bo vekirina rê xebatê dest pê kir.
Ekîban bi 4 makîneyên kar va beşeke mezin a rê ji hatin û çûyînê ra vekirin.
Ekîb li herêma Bihûreka Yukarikentê ya ku 2 hezar û 270 mêtro ji asta behrê bilindtir e jî tevî şert û mercên hewayê yên dijwar, xebatên xwe didomînin.
Ekîba Ajansa Anadoluyê (AA) dîmenên xebatên paqijkirina berfê yên ku bi serkêşiya Rêvebirê Şaxê Osman Okten va tên meşandin, bi dronê kişand.
