Li Mûsilê zarok di hedefa nîşangiran da ne

MÛSIL

Hat ragihandin ku li Mûsila bajarê Iraqê di 48 saetên dawîn da 15 zarok bi destê nîşangirên DEAŞa rêstina terorê hatin kuştin.

Newzed el-Qasimê serpel ê artêşa Iraqê daxuyanî da nûçegihanê AAyê û wiha got: "Li Mûsilê gelek zarokên ku ji herêmên di destê DEAŞê da ne direvin û ji bo ku xwe dixwazin xwe bigihînin hêzên ewlekariyê dibin hedefa nîşangirên DEAŞa rêxistina terorê.

Qasim got DEAŞ wisa dike ku gel bitirse û ji herêmên wan nereve, rêxistina terorê car caran jî zarokan wek "mertalê zindî" bi kar tîne.

- 2 hezar û 150 kesên din jî hatin tehliyekirin

Ji hêla din, ji ber kêmasiya binesaziya deverên ji DEAŞê rizgarkirî û xetereya êrîşên nû, tehliye berdewam in.

Yek ji berpirsên Heyva Sor a Iraqê Iyad Rafîd destnîşan kir ku di nava 2 rojên dawîn da tevî jin û zarokan 2 hezar û 150 kesên din jî deverên rojhilat û bakurê Mûsilê ku ji DEAŞê hatin paqijkirin, bal herêmên ewle hatin tehliyekirin.

Wezîrê Koç û Koçberiyê yê Iraqê Casim el-Caf destnîşan kiribû ku ji 17ê cotmehê roja destpêka operasyona rizgarkirina Mûsilê vir va hejmara sivîlên ku bajar terikandin û hatin kampên penaberan, gihîşt 80 hezarî.