Turqia neutralizon 3 terroristë të PKK-së në Irak
Operacioni anti-terrorist me mbështetje ajrore u krye në rajonin Hakurk, njoftoi Ministria turke e mbrojtjes
Ankara
Avionët luftarak turq "neutralizuan" tre terroristë të PKK-së në Irakun e veriut, njoftoi të hënën Ministria e Mbrojtjes Kombëtare të Turqisë, raporton Anadolu Agency (AA).
Terroristët u “neutralizuan” në rajonin Hakurk në një operacion të mbështetur nga ajri, tha ministria në Twitter.
Autoritetet turke shpesh përdorin termin "të neutralizuar" me çka nënkupton se terroristët në fjalë u dorëzuan, u vranë ose u kapën.
Sipas ministrisë, terroristët u zbuluan përmes aktiviteteve të zbulimit dhe mbikëqyrjes në zonë.
Operacionet antiterroriste të vendit vazhdojnë pa kurrfarë ndërprerje, shtohet më tej.
Terroristët e PKK-së shpesh përdorin Irakun verior për të planifikuar sulme ndërkufitare terroriste në Turqi.
Në fushatën e saj terroriste më shumë se 30-vjeçare kundër Turqisë, PKK e renditur si organizatë terroriste nga Turqia, SHBA dhe Bashkimi Evropian, ka qenë përgjegjëse për vdekjen e afro 40 mijë njerëzve, përfshirë shumë gra, fëmijë dhe foshnje.