Plagosen 13 ushtarë nga një sulm terrorist në lindje të Turqisë

VAN (AA) – Së paku 13 ushtarë turq janë plagosur nga shpërthimin i një bombe dore të cilën pjesëtarët e organizatës terroriste PKK e aktivizuan me telekomandë në momentin kur nëpër pjesën e minuar të rrugës kalonte autokolona ushtarake në rajonin lindor Van, raporton Anadolu Agency (AA).

Sulmi në fjalë ndodhi në rrugën Baskale-Hakkari, në vendin Camlik, mbrëmë në mesnatë.

Automjeti i patrullës ushtarake u përmbys nga forca e shpërthimit, ku mbeten të plagosur 13 ushtarë, të cilët u transferuan në spitalin më të afërt.

Forcat turke të sigurisë kanë nisur një operacion të gjerë me qëllim të kapjes së terroristëve.