Turqia neutralizoi 115 terroristë në prill
Në mesin e terroristëve të neutralizuar ishin tetë operativë të lartë, ndërsa gjatë prillit janë kryer mbi 10.750 operacione sigurie, njoftoi Ministria e Brendshme
Ankara
Turqia neutralizoi 115 terroristë në prill, njoftoi Ministria e Brendshme e vendit, transmeton Anadolu Agency (AA).
Tetë nga terroristët e neutralizuar ishin operativë të lartë, deklaroi Ismail Çataklı, zëdhënësi i Ministrisë së Brendshme, në një konferencë mujore shtypi në kryeqytetin Ankara.
Autoritetet turke shpesh përdorin shprehjen "neutralizim" në deklaratat e tyre, me çka nënkupton se terroristët në fjalë janë dorëzuar, vrarë ose janë kapur.
Gjatë prillit, forcat turke të sigurisë kanë kryer mbi 10.750 operacione sigurie, njoftoi zyrtari i ministrisë.
Mbi 11 milionë kontrolle u kryen gjithashtu në gjithë Turqinë muajin e kaluar për të siguruar respektimin e masave të qeverisë kundër COVID-19, shtoi Çataklı.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.