Terroristët e neutralizuar në Irak, në listën e kërkuar të Turqisë

Dy terroristë të PKK-së, të neutralizuar më parë në një operacion turk në Irakun verior, u zbulua se ishin në listën e më të kërkuarve të Turqisë, theksuan burime të sigurisë, transmeton Anadolu Agency (AA).

Autoritetet turke shpesh përdorin fjalën "neutralizuar" në deklaratat e tyre për të nënkuptuar se terroristët në fjalë janë dorëzuar, vrarë ose kapur.

Terroristët u neutralizuan kohët e fundit në një operacion të përbashkët të mbështetur nga ajri i Forcave të Armatosura Turke dhe Organizatës Nacionale të Inteligjencës në rajonin Gara në veri të Irakut.

Terroristët u identifikuan si Servet Aydin me emrin e koduar Gulciya dhe Soylemez Yasar me emrin e koduar Tekosin Batman, të cilët u përshkruan në kategorinë e kuqe të terroristëve të kërkuar nga Turqia.

Terroristët janë të ashtuquajtur anëtarë të vjetër të grupit terrorist PKK/KCK.

Lista e kërkuar është e ndarë në pesë kategori të koduara me ngjyra, me të kuqe si më të kërkuarit, e ndjekur nga blu, jeshile, portokall dhe gri.