Platforma e parë lundruese e prodhimit të gazit natyror në Turqi, “Osman Gazi”, mbërriti sot në Portin Filyos në Zonguldak, në bregdetin e Detit të Zi të Turqisë, raporton Anadolu.

Platforma masive u nis nga Zyra Presidenciale Dolmabahçe në Stamboll më 29 maj – në 572-vjetorin e çlirimit të Stambollit – në një ceremoni ku morën pjesë presidenti Recep Tayyip Erdoğan dhe ministri i Energjisë dhe Burimeve Natyrore i Turqisë, dhe kaloi nëpër Ngushticën e Bosforit.

Me një kapacitet maksimal përpunimi prej 10,5 milionë metrash kub gaz natyror në ditë dhe kapacitet transferimi prej 10 milionë metrash kub, platforma do të dyfishojë prodhimin e gazit natyror në Detin e Zi në 20 milionë metra kub në ditë.

Pritet të përmbushë nevojat për gaz natyror të rreth 8 milionë familjeve në Turqi dhe do të funksionojë në vend për 20 vjet.

Platforma, e cila mund të akomodojë 140 persona, është 298,5 metra e gjatë, 56 metra e gjerë dhe 29,5 metra e thellë. Pritet të fillojë operacionet deri në mesin e vitit 2026.