Çanakale, ndalohen 108 shtetas të huaj

ÇANAKALE (AA) - Në rajonin Ayvacık të qytetit Çanakale të Turqisë janë ndaluar 108 shtetas të huaj të cilët po tentonin të kalonin ilegalisht drejt ishullit grek Lesbos, raporton Anadolu Agency (AA).

Ekipet e komandës së xhandarmërisë së rajonit pasi kanë marrë informacione ndërmorën operacionin në bregdetin e fshatit Koruoba ku ndaluan 108 sirianë duke përfshirë mes tyre gra dhe fëmijë. Gjithashtu janë konfiskuar gomonet dhe një numër i madh i jelekëve të shpëtimit.

Shtetasit e huaj pas procedurave u dërguan në Qendrën e Rikthimit të të Huajve në rajonin Ayvacık.