Real Madrid-Juventus, finalja e Ligës së Kampionëve

MADRID (AA) - Real Madrid, është skuadra e dytë pas Juventusit që ka shkruar emrin e saj në finalen e Champions League (Ligës së Kampionëve), raporton Anadolu Agency (AA).

Reali edhe pse humbi ndeshjen e kthimit kundër Atletico Madrid me rezultatin 2-1, ka mundur të shkojë në finale pasi ndeshjen e parë e kishte fituar 3-0. Në këtë mënyrë, madrilenët e Realit shkojnë për herë të 15 në këtë finale.

Golat në ndeshjen e drejtuar nga turku, Cüneyt Çakır, u shënuan në minutën e 12-të nga Saul Niguez, në minutën e 16 nga Antoine Griezmann përmes pikës së bardhë, që çoi rezultatin në 2-0 dhe goli i fundit nga Isco për Realin në minutën e 42.

Pjesa e dytë për Realin është mbyllur në mbrojtje dhe në këtë mënyrë arriti të shkojë në finale nga golavarazhi i dy ndeshjeve.

Reali ka fituar 11 herë këtë kupë dhe cilësohet si skuadra më e suksesshme e këtij kompeticioni. Më 3 qershor ajo do të jetë përballë Juventusit në stadiumin e Cardiff, kryeqyteti i Uellsit.