Paul Pogba suspendohet për 4 vjet për shkak të dopingut

Futbollisti francez dhe lojtari i Juventusit, Paul Pogba është suspenduar për 4 vite për shkak të testit pozitiv të dopingut, transmeton Anadolu.

Agjencia italiane ANSA raporton se suspendimi i Pogba-s u bë pasi u gjet një nivel i lartë i testosteronit në kampionin e marrë pas një ndeshje të ligës kundër Udineses në gusht 2023.

Pogba doli pozitiv për doping në shtator dhe tetor të vitit të kaluar ndërsa paraqitja e tij e fundit me fanellën e Juventusit ishte më 3 shtator kundër Empolit.

Pogba pritet të apelojë vendimin e Organizatës Italiane Anti-Doping (NADO) duke paraqitur një kërkesë në Gjykatën Ndërkombëtare të Arbitrazhit Sportiv (CAS).