Ndërron jetë legjenda braziliane e futbollit, Pele

Legjenda braziliane e futbollit, Pele, humbi luftën me kancerin e zorrës së trashë dhe ndërroi jetë në moshën 82-vjeçare, njoftoi në Instagram vajza e tij, Kely Nascimento, transmeton Anadolu Agency (AA).

“Gjithçka çfarë jemi është falë jush”, ka shkruar Nascimento në një postim në llogarinë e saj zyrtare.

“Të duam pafundësisht. Pusho në paqe”, tha ajo.

I konsideruar si lojtari më i mirë i të gjitha kohërave, Pele ndihmoi Brazilin të fitojë tre Kupa të Botës në vitet 1958, 1962 dhe 1970.

Gjatë karrierës së tij të dalluar, Pele shënoi 77 gola në 92 paraqitjet e tij për Brazilin.