Ford mbyll tri fabrika në Rusi

Kompania e automjeteve Ford mbyll tri fabrika në Rusi për shkak se tërheq nga prodhimi automjetet, gjë e cila do të shkaktojë humbje të mëdha të vendeve të punës, transmeton Anadolu Agency (AA).

Ford ka njoftuar se nuk do të prodhojë më automjete në Rusi deri në fund të qershorit, kështu që do të mbyllë edhe repartet e kompletimit të automjeteve në Shën Petersburg dhe fabrikën e motorëve në Yelabug.

Prodhuesi amerikan i automjeteve lidhur me këtë vendim fajëson përmirësimin e ngadalshëm të tregut rus të automjeteve pas çalimit ekonomik në vitet e fundit dhe kthimit të konsumatorëve drejt automjeteve më të lira.

Ford tani në Rusi do të përqendrohet në furgonët komercial Transit përmes ndërmarrjes së përbashkët Ford Sollers.

Viteve të fundit Ford në disa raste ka pezulluar ose reduktuar prodhimin në fabrikën në Shën Petersburg duke potencuar si arsye kërkesën e ulët të konsumatorëve.